Vidi fonton por Demando: Se mi volas praktiki Atenton al Spirado, kiel mi agu?

Demando: Se mi volas praktiki Atenton al Spirado, kiel mi agu?

　　Respondo: Vi devas sekvi tiujn facilajn sxtupojn: loko, pozicio, praktiko kaj problemo. Unue trovu tauxgan lokon, eble cxambron kie estas ne tro brue kaj vi ne facile gxenigxas. Due, sidu en komforta pozicio. La bona maniero estas sidi kun viaj kruroj krucitaj, kapkuseno sub viaj sidvangoj, la dorso rekta, manoj sur la kruroj kaj okuloj fermitaj. Krome vi ankaux povas sidi sur segxo tenante vian dorson rekta tiom longe kiom vi povas. Poste sekvas la esenca praktiko. Kiam vi sidas kviete kun viaj okuloj fermitaj, koncentru vian atenton sur la enspiran kaj elspiran movojn de la spirado. Vi povas tion fari per nombrado de spiroj aux enrigardo al la levigxo kaj mallevigxo de la ventro. Dum via praktikado iuj problemoj kaj malfacilajxoj eble aperas. Vi eble sentas gxenan jukon sur la korpo aux malkomfortecon en viaj genuoj. Se tio okazas, malstrecxu vian korpon senmove kaj dauxre tenu vian atenton sur la spiradon. Vi eble havas multajn senordajn pensojn entrudigxintajn en vian menson kaj logantajn vian atenton for de la spirado. La nura metodo kontraux tiu problemo estas pacience rekoncentri vian atenton sur la spiradon. Se vi dauxre tion faras, la hazardaj pensoj malfortigxos, via koncentrado pli kaj pli fortigxos kaj vi havos momenton de profundaj mensa kvieteco kaj interna paco.