5. Soifa malsaĝulo
5. Soifa malsaĝulo
Iam antaŭe, malsaĝulo soifegis kaj deziris akvon. Vidinte vaporon estigitan pro varmo, li opiniis, ke tio estas akvo. Li do iris al ĝia direkto ĝis li atingis riveron Hindu. Atinginte la riveron, li nur gapis anstataŭ ektrinki.
Oni demandis al li: “Vi serĉis akvon pro soifo, sed kial vi ne trinku nun starante ĉe la akvo?”
La malsaĝulo respondis: “Mi trinkus se mi povus eltrinki la riveron. Sed estas tro multe da akvo por mi eltrinki, mi do ne trinku.”
Aŭdinte tion, ĉiuj eksplodis de rido.
Simile, iuj praktikantoj de aliaj religioj sin tenas al iu vidpunkto malĝuste. Ili opinias, ke ili ne povas observi la budhajn disciplinojn, do ili ne akceptas ilin. Pro tio ili daŭre vivos en la ses vivcirkloj kaj havas neniom da ebleco por atingi sukceson. Tio similas al la malsaĝulo, kiu ne trinkis akvon ĉe la rivero, kaj pro tio estis mokita de aliaj homoj.
