15. Rapida kreskigo al la reĝidino
15. Rapida kreskigo al la reĝidino
Iam knabino naskiĝis al reĝo. La reĝo ordonis al sia kuracisto: "Donu medicinaĵon al mi, por ke ŝi plenkresku senprokraste."
La kuracisto respondis: "Mi donos al vi kreskigan medicinaĵon, sed mi ne posedas ĝin nun kaj devas serĉi ĝin. Ne rigardu vian filinon antaŭ ol mi donos al vi la medicinaĵon. Mi montros vian filinon al vi tuj post kiam ŝi prenos la medicinaĵon."
La kuracisto foriris malproksimen por serĉi la medicinaĵon. Post dek du jaroj, li revenis kun la medicinaĵo. Li gvidis la reĝidinon al la reĝo post kiam ŝi prenis la medicinaĵon.
Vidinte ilin, la reĝo pensis: "Vere bona kuracisto! Li donis al mia filino medicinaĵon, kiu vere kreskigis ŝin." Li do ordonis al la subuloj premii la kuraciston per granda valoraĵo.
Tiam ĉiuj homoj ridis je la reĝo pri lia malsaĝo. Li ne scipovis kalkuli tempon, sed atribuis la kreskiĝon de la reĝidino al la funkcio de la medicinaĵo.
Homoj en la mondo ankaŭ estas samaj. Ili iras al instruisto kaj diris: "Mi volas akiri atingon. Bonvolu instrui al mi por ke mi tuj atingu sukceson."
La instruisto instruis al ili praktiki meditadon, kontempli pri dek du estiĝaj kondiĉoj de aferoj per metodoj konvenaj al ili, por ke ili akumulu meriton kaj atingu arahantecon. Ili ĝojis kaj diris: "Kiel feliĉaj ni estas! La instruisto instruis al ni rapida metodo por atingi sukceson."
