1. 34-40: Malsamoj inter versioj

Kiel registrite je 04:23, 2 Apr. 2014

　　34: D: Ĉu la kasta sistemo ankaŭ ekzistis en la nove fonditaj landoj?

　　R: Pro la disvastiĝo de arja influo, tiuj landoj ne povis kontraŭi la influon de bramana kulturo. Kvankam enkondukiĝis la kasta sistemo, tamen ĝi renkontis multe da obstakloj. Unue, la plej multaj loĝantoj estis indiĝenoj en la landoj. Due, la geedziĝo inter arjanoj kaj nearjanoj estas kompare ordinara. Trie, por firmigi la arjan regadon en tiuj regionoj, malmultaj indiĝenaj ĉefoj aliĝis al la kasto de Kŝatrijo per konvertaj ritoj. Sub la kasta sistemo ĉiam estis konkurecoj inter la regantaj kastoj, bramanoj kaj kŝatrijoj. La konflikto estis precipe forta inter nearjan kŝatrijanoj kaj bramanoj kiuj okupis la superan pozicion. Esplorado montras, ke la multo da homoj de Magadho venis el la geedziĝo de Vaiŝjanoj kaj Ŝudroj, do ili estis rigarditaj kiel malsupera raso duonarja kaj duonbarbara laŭ bramana kodo. Oni diris, ke la reĝo Aŝoko de Magadho, kiu poste unuigis Hindion havis ŝudran sangon. En tiu cirkonstanco, ĉiuj teorioj kontraŭ la bramanaj ideoj de kasta sistemo estos facile akcepteblaj kaj bonvenaj. La doktrino de Ŝakjamunio dirante, ke “ĉiuj kvar kastoj estas egalaj,” respegulis la malkontentecon de la popolo en la nove estigitaj landoj al la kasta sistemo.

　　35. D: Ĉu Sakjo apartenas al arjan raso?

　　R: Ekzistas malsamaj opinioj pri la deveno de Sakja nacio. Iuj opinias, ke ĝi estis el la Mongola raso, kaj aliaj opinias, ke ĝi estis el arja raso. Sed konsiderate laŭ la geografio de tiu tempo, Kapilavasto situis en malproksima regiono kaj estis malgranda lando (iuj kredas, ke ĝi estis dependa al Kosalo). Estas malmulte da ebleco, ke ĝia reĝa familio estis el arja raso. Krome en budhismaj verkoj troviĝas ne nur unu noto, ke Ŝakjamunio havis ore purpuran korpon. Tio provizis pluan argumenton, ke la Sakjoj apartenis al blanka arja raso.

　　36. D: Ĉu oni povas diri, ke la kastaj kontraŭdiroj en tiu tempo nur estis tiuj de nacioj?

　　R: Ne, laŭ mia opinio, tio ankaŭ spegulis la kontraŭdirojn estigitajn pro la disvolviĝo de socia produktivo en tiu tempo.

　　37. D: Ĉu la hinda socio estis la sklava en la tempo de Ŝakjamunio?

　　R: Lastaj ekspluadoj en la hindia valo montras, ke en la frua tempo de 3500-2750 a. K, la indiĝenoj ( probable dravidanoj) tie iam havis rimarkindan urban civilizacion. Ili havis urban projekton kun kloakoj, du aŭ trietaĝaj brikaj konstruaĵoj, kaj publikaj aŭ privataj banejoj. Laŭ la stratoj troviĝis vendstandoj kaj vendejoj. Tiam jam ekzistis teksa kaj porcelana industrioj. La fakto forte refutis la sugeston de okcidentaj kleruloj, ke la hinda civiliacio estis enkondukita de arjanoj. Fakte la arja nomado akceptis la pli superan civilizacion de originalaj loĝantoj. Laŭ la eltrovo de ekspluado, la indiĝena socio en tiu tempo estis sklava socio, kaj oni povas konkludi, ke ili jam havis konsiderinde evoluintan agrikulturon. Ni bezonas pristudi, tie ankoraŭ estis sklava socio en la tempo de la kasta sistemo, longa tempo (ĉirkaŭ 1000 jaroj) post la fiksloĝiĝo de arjanoj. Laŭ la bramana kodo, Ŝudro ne signifas sklavecon, nur iom da membroj el tiu kasto estis sklavoj, kiuj okupiĝis en portempaj laboroj, ne multe partoprenante en la produktado. Evidente, la sklavoj ne estis la ĉefaj laboraj povoj. Do estas malfacile aserti, ke tiam ankoraŭ estis sklava socio.

　　38: D: Kio estis la ĉefa socia sistemo en tiu tempo laŭ via opinio?

　　R: Laŭ noto en budhismaj verkoj, en fiksita tempo ĉiujare la reĝo prezidis plugan ceremonion en kampoj, kaj la popolo laboris por li. Tio konformas al la regulo de bramanaj kodoj, kiu asertis, ke la Ŝudroj vivantaj per sia propra laboro devas fari laboron por la reĝo kiel imposton. Laŭ la notoj faritaj de antikvaj ĉinaj tradukistoj, Kŝatrijo origine signifas “bienulon”. Oni povas konjekti, ke en la tempo kiam kasta sistemo bone establiĝis, Hindio jam eniris la socion regitan de feŭdaj estroj. En la tempo de Ŝakjamunio, multaj ŝanĝoj okazis en la nove fonditaj landoj. La budhisma literaturo sugestis, ke en tiu tempo prosperiĝis komerco kun grandskalaj komercaj karavanoj kaj ŝipoj. Tiel komercistoj havis potencan ekonomian forton. Ekzemple, riĉa komercisto Sudato donacinta ĝardenon al la Budho estis tiel riĉa, ke li komparas riĉecon kun la reĝido de Kosalo per la metodo pavimi la tutan ĝardenon per oro. Metia industro ankaŭ estis populara kun bona distingo de laboro. Malgrandaj entreprenoj de industrio kaj komerco funkciis libere kaj ludis gravan rolon en produktivaj aktivadoj. En tiu tempo aperis impostpagantaj liberaj kamparanoj kaj farmistoj. Kredeble en la nove fonditaj landoj, kie ĉefaj loĝantoj estis el miksa kasto de Vaiŝjo kaj Ŝudro, Kŝatrijo eble ne estis sklavposedanto, sed delegito de nove aperindaj bienula klaso. Frue en 1000 a.K., feraj produktaĵoj aperis en Hindio kaj en tiu periodo, feraj agrikulturiloj estis populare uzitaj, kaj agrikultura produktivo ege pliiĝis. Sub tiuj ekonomiaj cirkonstancoj divido de feŭdaj estroj ne favoris al la disvolviĝo de komerco, medio kaj precipe agrikulturo. Historio montris, ke la centrigita konstruado de akvoutiliga kaj irigacia konstruaĵo estis grava kaŭzo de hindia unuigado fare de Reĝo Aŝoko. Eĉ dum la vivperiodo de la Budho, 200 jaroj antaŭ Aŝoko, oni jam havis ideon de “unu mondo unuigita de radturna reĝo” (Raja Cakkavattin). En la infanaĝo de la Budho, lia patro kaj samlandanoj esperis, ke li fariĝos radturna reĝo. La Budho havis la ideon de radturna reĝo kvankam li rezignis la tronon. Tiu ideo fakte estis spegulo de onia komuna aspiro havi centrigitan registaron por anstataŭigi la staton de divideco fare de la feŭdaj estroj. La deziro neeviteble konfliktis kun la kasta sistemo.

　　39: Kio estas la rilato inter Ŝakjamunio kaj bramanoj kaj inter Ŝakjamunio kaj kŝatrijo?

　　R: Ŝakjamunio publike oponis bramanajn doktrinojn, do li estas la celo de sennombraj atakoj fare de bramanoj dum sia vivperiodo. Tamen multaj bramanaj kleruloj kaj sekvantoj rezignis sian antaŭan kredon kaj konvertis sin al la Budho. Responde al Budhismo la bramano elfaris Manu-kodon (Manu-Smirti), kiu faris iom da modifoj al la kasta sistemo dum subteno al ĝi. Kvankam la Manu Kodo ne publike atakis budhismon, la konsekvenca verko de publika kaj interna ritoj (Sarvadarŝana Samgraha) esprimis klaran sintenon kontraŭ Budhismo. Temante pri la rilato inter la Budho kaj kŝatrijo, vi jam scias, la Budho venis el Kŝatrija kasto. La reĝoj de la landoj, kie li vojaĝis kaj predikis, kiel Bimbisara de Magadho, Prasenaĝit de Kosalo kaj aliaj estis liaj fidelaj sekvantoj kaj grandaj subtenantoj.Post la forpaso de la Budho, Reĝo Aŝoko pli energiplene disvastigis la budhan darmon. Ni povas konkludi, ke la Kŝatrio de la nove fonditaj landoj jam havas grandan estimon kaj firman kredon en la Budho. Estas rimarkinde, ke en budhismaj verkoj, kie ajn oni menciis la kvar kastojn, Bramano estis post Kŝatrijo. Tio kontraŭas la tradician ordon en kiu Bramano estas la unua (Bramano, Kŝatrijo, Vaiŝjo kaj Ŝudro). De tiu kontraŭo al la tradicio ni povas vidi, ke la Budho malaltigis la pozicion de Bramano.

　　40: D: Kio estis la rilato inter Ŝakjamunio kaj la ordinara popolo?

　　R: La instrua stilo de la Ŝakjamunio estis proksima al la ordinara popolo. Anstataŭ elegantan lingvon de Bramano, li uzis la lokan lingvon. Kiel ni menciis antaŭe, Ŝakjamunio akceptis ŝudron nomatan Upali kiel sian disĉiplon, al kiu la budhaj fratoj kaj filo devis fari omaĝon, ĉar iliaj rangoj en la Samgo estis malpli superaj ol la lia. La budho kaj liaj disĉiploj egale akceptis oferojn donacitajn de Ĉandalo aŭ netuŝeblaj homoj, kun kiuj aliaj popolo ne volis fari fizikan kontakton. La Budho trovis ŝancon vidi Ĉandalon kaj prediki al li kiam li estis tro hontema por vidi la Budhon. En la sama maniero la Budho traktis ĉiujn misfortunajn homojn. Inter liaj disĉiploj estis almozuloj kaj prostituistinoj. La Budho foje rifuzis inviton de reĝo sed iris ricevi almozon oferitan de malfeliĉa degenera virino. En antikva hindia socio, la stato de virinoj similas al tiu de sklavoj. Oni konsideris la fakton, ke la Budho akceptis virinojn en la samgon kiel sian monaĥinajn disĉiplinojn, kiel grandan revolucion en religia historio.