Vidi fonton por Diskuto:Amo de malsaĝa frato

Mi multe sxatis tiun tekston, kvankam restas eraroj. Mi trovis unu tekston pri efemereco, redaktita de Gian Piero Savio, samideano en Retradio.

 Sin konsoli post materia perdo
 Laux popola tradicio, en la parolata hebrea lingvo, oni suficxe ofte uzas la terminon “kaparà” [כַּפָּרָה]. Temas pri vorto de rezigno kaj submetigxo al la kontrauxa destino, kiam okazas iu suficxe malplacxa malagrablajxo. Gxi substrekas cxagrensenton sed cxefe esprimas esperon, ke la okazinta malbonajxo gxuste okazis anstataux alia pli doloriga. Gxenerale oni rilatas al mona perdo fronte al ebla vundo aux ecx, Dio nin gardu!, al ebla morto.

Gxuste je la mezo de la pasinta oktobro, mi plene povis percepti la sagxon malantaux la popola koncepto de “kaparà”, kaj kiel gxi vere povas kontribui al mildigo de la peno pro doloriga perdo.

Post 7 monatoj de plene suna cxielo, subite, frumatene frapis la centron de Israelo, sxtormo surprize forta kun amaso da fulmoj kaj tondroj. Malbonsxance, fulmo trafis alttensian transformilon apud nia konstruajxo. La kontrauxfulma protektilo sur la elektra reto de mia komputila aparataro tute ne protektis gxin kaj la rezulto estis... katastrofo. Mia cxefa belega amata komputilo, donaco de mia edzino por mia emeritigxo antaux kelkaj jaroj, neripareble difektigxis samkiel preskaux cxiuj aparatoj por savado de la valoraj datumoj. Kaj laste sed ne malpli grave: la asekuro ne kovras tiun riskon.

Nur longtempa komputilisto povas provi tiom da peno pro simila perdo: perdigxis ne nur la aparataro, sed dokumentoj kaj fotoj, kaj valoraj ne malhaveblaj programoj acxetataj dum la jaroj. Dum la unuaj tagoj post la katastrofo, mi vagadis ien tien, sxokita sen povi konsciigxi pri la okazintajxoj.

Unu el miaj plej karaj amikoj, sciinte la aferon fare de mia edzino, decidis iamaniere mildigi mian sxokon. Vespere li atingis nian hejmon kun enmane malgranda paketo. Li petis de mi fari kelkajn malrapidajn profundajn spirojn, sidigxi trankvile apud li kaj malfermi la donaceton (vidu gxin supre, dekstre en la bildo). Temas pri surmeblajxo, iuspeca talismano tradicie farita el malnova peco de ligno el granatarbo, kiu simbolas abundon, fekundon kaj bonsxancon.

Por mi, gxenerale skeptika ulo pri spiritaj aferoj, estis tre surprize auxskulti mian amikon dum lia prelegeto pri la terapeuxtikaj kvalitoj de la koncepto de “kaparà”.

Subite mi rimarkis, ke neniu en mia vivo donis al mi suficxe kleran kaj trafan edukadon, kaj ke mi mem ne suficxe bone asimilis la fakton, ke cxio en la medio, cxiuj homoj cxirkaux ni kaj ni mem, dauxre sxangxigxas. Ankaux la posedo de io tre sxatata estas nur provizora. Do, kial suferi pro la perdo de io, des pli se temas nur pri materiala damagxo?

Nur nun mi komprenas la veran signifon de la aforismo de la presokrata greka filozofo Heraklito: “Πάντα ῥεῖ” [panta rhei],"cxio estas fluanta", cxio estas en sencxesa movigxo, en sencxesa transformigxo kaj rapide sxangxigxas.

Sed por konkludi, akorde kun mia tre malagrabla travivajxo: por viaj elektronikaj aparatoj ne fidu pri protektiloj kontraux fulmoj, ne gravas kiom multekostaj, kaj kiel trafe oni reklamis ilin! Temas ja pri friponajxoj! Kiam alproksimigxas sxtormo: “disigu elektronikajxojn de la kurento!”.