Vidi fonton por Demando: La kvin maksimoj estas negativaj. Ili diras al vi, kion vi ne faru. Ili ne diras al vi, kion vi faru.

Demando: La kvin maksimoj estas negativaj. Ili diras al vi, kion vi ne faru, sed ili ne diras al vi, kion vi faru.

　　Respondo: La kvin maksimoj estas fundamentoj de budhisma moralo. Ili ne estas cxio. Ni komencas per kono pri nia negativa konduto kaj per strebo eviti gxin. Tio estas la celo de la kvin maksimoj. Post kiam ni ne plu faras malbonan konduton, ni komencas fari la bonan. Ni prenu la kvaran maksimon kiel ekzemplon. La Budho diras, ke ni devas komenci per sindeteno de mensogo. Poste, ni povos diri veron, paroli afable, milde kaj je konvena tempo. Li diras:

　　"Rezigninte mensogon, li farigxas parolanto de la vero, fidinda, gxusta kaj dependebla. Li ne trompas la mondon. Rezigninte malican parolon li ne ripetas cxitiean auxdajxon tie nek ripetas tiean auxdajxon cxi tie por okazigi konflikton inter homoj. Li kunigas disigxintojn kaj pliproksimigas tiujn, kiuj jam estas amikoj. Harmonio estas lia gxojo; harmonio estas lia placxo kaj harmonio estas lia amo. Tio estas la motivo de lia parolado. Post kiam li rezignas krudan paroladon, lia parolo estas gxentila, senkulpigebla, placxa al oreloj, harmonia al koroj kaj placxa al plej multe da homoj. Rezigninte senutilan babiladon, li parolas konvene, kio estas trafa pri darmo kaj pri disciplino. Li parolas vortojn valorajn, rezoneblajn, precizajn, konvenajn kaj trafajn." 

　　M.I, I79