Vidi fonton por Demando: Bone. Ĉu estas sciencistoj, kiuj kredas pri renaskiĝo?

Demando: Bone. Cxu estas sciencistoj, kiuj kredas pri renaskigxo? 

　　Respondo: Jes. Thomas Huxley, kiu respondecis pri enkonduko de scienco en la britan lernejan sistemon en la 19-a jarcento kaj kiu estis la unua sciencisto defendanta teoriojn de Darvino, kredis, ke reenkarnigxo estis treege kredinda ideo. En sia fama libro Evoluo kaj Etiko kaj aliaj eseoj (Evolution and Ethics and other Essays), li diras:

　　"En la doktrino de animtransmigrado, malgraux kio estis gxia deveno, Brahmana kaj Budhana konjektoj trovis facile atingeblan rimedon konstrui kredindan ateston pri la vojo de la kosmo al homo ... Tamen cxi tiu pledo de atesto estas ne malpli kredinda ol aliaj; kaj neniu krom tre hastemaj pensuloj malakceptos gxin surbaze de denaska absurdajxo. Samkiel la doktrino de evoluado, la doktrino de transmigrado havas siajn radikojn en la reala mondo; kaj gxi povus postuli tian subtenon, kiel oni kapablas provizi la grandan argumenton de analogio."

　　Poste, Profesoro Gustaf Stromberg, la fama sveda astronomo, fizikisto kaj amiko de Einstein, ankaux trovis interesa la ideon de renaskigxo.

　　"Diferencas la opinioj, cxu homaj animoj povas reenkarnigxi en la mondo. En 1936 registaraj respondeculoj en Barato enketis kaj raportis tre interesan kazon. Knabino (Shanti Devi de Delhi) povis precize rakonti pri sia antauxa vivo (cxe Muttra, kvincent mejlojn de Delhi), kiu finigxis unu jaron antaux sxia "dua naskigxo". Sxi donis la nomojn de siaj edzo kaj infano, kaj diris pri siaj hejmo kaj vivhistorio. La prienketa komitato kondukis sxin al siaj eksaj parencoj, kiuj konfirmis cxiujn sxiajn dirojn. Por baratanoj la reenkarnigxoj estas konsiderataj ordinaraj; la miriga afero por ili en cxi tiu kazo estis la granda kvanto da faktoj, kiujn la knabino memoris. Cxi tiu kaj similaj kazoj povas esti konsiderataj kiel pliaj atestajxoj por la teorio de la nedetruebleco de memoro."

　　Profesoro Julian Huxley, la eminenta brita sciencisto, kiu estis Gxenerala Direktoro de UNESKO, kredis, ke la ideo pri renaskigxo tre akordas kun sciencaj pensoj.

　　"Estas nenio kontraux la konstante supervivanta spirita individuo, kiu iamaniere elsendigxas cxe morto sendube kiel certa radia mesagxo elsendita de radioaparato funkcianta per speciala maniero. Sed ni devas memori, ke la radia mesagxo denove farigxas mesagxo nur kiam gxi ekkontaktas ricevilon, novan materialan strukturon. Gxi neniam pensus aux sentus gxis denova enkorpigxo en iu maniero. Niaj personecoj tiel bazigxas sur la korpo, ke vere ne eblas pensi pri supervivo, kiu konsistas en iu vera persona senso, kun nenia korpo... Mi povas pripensi, ke io eligita portus la saman rilaton al viroj kaj virinoj kiel senkabla mesagxo al la transsenda aparato. Sed tiuokaze la mortintoj, gxis nun kiel oni povas vidi, estas nenio krom tumultoj de malsamaj skemoj vagantaj tra la universo gxis ili revenos al realeco de konscio per kontakto al io, kiu povus funkcii kiel ricevilo por menso."

　　Ecx tre praktikaj kaj realismaj homoj kiel la usona industriisto Henry Ford trovis akceptebla la ideon pri renaskigxo. Ford interesigxis pri la ideo de renaskigxo cxar malsame al la teisma ideo aux la materialisma ideo, la renaskigxo donas al vi duan sxancon disvolvi vin mem. Henry Ford diras :

　　"Mi adoptis la teorion de reenkarnigxo kiam mi estis 26-jara. Religio donis al mi nenion trafan. Ecx laboro ne povis doni al mi kompletan kontentecon. Laboro estas vana se en sekva vivo ni ne povas utiligi la sperton, kiun ni kolektas en unu vivo. Kiam mi eltrovis reenkarnigxon, kvazaux mi trovus universalan planon. Mi konsciis, ke estas sxanco ellabori miajn ideojn. Tempo jam ne plu estas limigita. Mi jam ne plu estas sklavo de la montriloj de horlogxo. Genio havas saman signifon de sperto. Iuj sxajne opinias, ke gxi estas inteligenteco kaj talento, sed gxi estas frukto de longa sperto en multaj vivoj. Iuj animoj estas pli maljunaj ol la aliaj kaj sekve, ili scias pli multe... La eltrovo de reenkarnigxo faris mian menson trankvila... Se vi konservas la noton de cxi tiu konversacio, skribu gxin por ke gxi trankviligu homajn mensojn. Mi volas komuniki al aliuloj la trankvilecon, kiun profunda koncepto pri vivo donas al ni."

　　Do la budhaj instruoj de renaskigxo vere havas iom da sciencaj bazoj. Gxi estas logike konsekvenca kaj aktive respondas iom da gravaj demandoj pri homa destino. Sed gxi estas ankaux konsolanta. Laux la Budho, se vi ne atingos nirvanon en cxi tiu vivo, vi havos sxancon por plue klopodi en sekva fojo. Se vi faras erarojn en cxi tiu vivo, vi povos korekti vian konduton en sekva vivo. Efektive vi povos lerni de viaj eraroj. Versxajne en via sekva vivo vi povos fari la aferojn, kion vi ne povas fari aux atingi en cxi tiu vivo. Kiel mirinda instruo!