Vidi fonton por Demando: Ĉu ekzistas tia afero kia sorto?

Demando: Cxu ekzistas tia afero kia sorto?

　　Respondo: La vortaro difinas sorton kiel "kredon, ke okazajxo bona aux malbona venas al persono laux lia destino fortuna aux misfortuna." La Budho tute neis tiun cxi kredon. Cxiu okazajxo havas apartan kauxzon aux specialajn kauxzojn kaj certe ekzistas rilatoj inter la kauxzoj kaj efektoj. Ekzemple malsanigxo havas specialajn kauxzojn. Homo ne eviteble kontaktas mikrobojn kaj lia korpo estas tiel malforta, ke mikroboj povas entrudigxi. Sendube estas rilato inter la kauxzo, kiuj estas mikroboj kaj malfortgxinta korpo, kaj la efekto, kiuj estas malsano, cxar ni scias, ke mikroboj atakas organismon kaj estigas malsanon. Sed oni eltrovis nenian rilaton inter ricxigxo aux sukceso de ekzamenoj kaj surporto de peceto da papero kun vortoj skribitaj sur gxi. Budhismo instruas, ke cxio okazas pro kauxzo aux kauxzoj, sed ne pro fortuno, sxanco aux bona sorto. La interesantoj pri sorto cxiam provas akiri ion, kio kutime estas pli da mono aux ricxajxo. La Budho instruas al ni, ke estas pli grave disvolvi niajn korojn kaj mensojn. Li diras:

　　"Esti profunde edukita kaj sperta, esti bone trejnita kaj uzi bonajn vortojn; Jen la plej bona sorto. Vivteni gepatrojn, ami la edzinon kaj infanojn kaj havi simplan vivmanieron; jen la plej bona sorto. Esti malavara, justa, helpema al viaj parencoj, kaj esti senkulpa en la kondutoj; jen la plej bona sorto. Sin deteni de malbono kaj forta alkoholajxo, kaj cxiam esti firmvola en virto; jen la plej bona sorto. Respektemo, humileco, kontenteco, dankemo kaj auxdo de la bona Darmo; jen la plej bona sorto." Sn. 261–6