Vidi fonton por Amo venas pro amo kaj feliĉo venas pro feliĉo

Antaux dek jaroj, malricxa studento nomata Haowude vendis varojn de domo al domo por pagi sian lernokotizon.

　　Vespere, li sentis sian stomakon malsata, tamen en lia posxo restis nur unu monero. Li pasxis tien kaj reen sur la strato, fine kolektinte sian kuragxon, li frapis je la pordo de iu domo por peti iomete da mangxajxo. 

　　Tamen kiam juna knabino kun bela aspekto malfermis la pordon, li perdis la kuragxon. Anstataux havi kuragxon por peti mangxajxon, li nur petis glason da akvo. La knabino trovis, ke li estas malsata, do sxi elportis glasegon da fresxa lakto al li.

　　Li trinkis gxin trankvile, kaj demandis: kiom da mono mi devas pagi al vi？

　　Sed la knabino respondis: vi sxuldas al mi nenion. Mia patrino ofte diris al ni, ke ni ne petu rekompencon por bonfaro.

　　Li profunde sin klinis antaux la knabino kun dankemo kaj sincere diris: do mi nur povas danki vin elkore.

　　Kiam li foriris, li ne nur sentis, ke li estas pli energia, sed ankaux havas fortan memfidon al la homa vivo. Antauxe li jam perdis esperon, kaj ecx intencis rezigni cxion.

　　Post dudek jaroj, la junulino suferis gravan malsanon. Neniu el la lokaj kuracistoj sciis kion fari. Fine sxiaj familianoj sendis sxin en metropolon, por peti al la plej bona kuracisto diagnozi sxian raran malsanon.

　　Ili invitis tiam faman kuraciston Haowude por diagnozi. Kiam li auxdis, ke la malsanulino venis el lia hejmloko, liaj okuloj ekbrilis. Li tuj iris al la malsanula cxambro de la hospitalo. Kiam li venis al la la malsanula lito, li tuj rekonis la knabinon. Li senhezite reiris al sia oficejo, kaj decidis savi sxian vivon per plej granda penado. Ekde tiu tago, li speciale observis sxian malsanan situacion. Post longa klopodo, finfine sxi venkis la malsanon kaj resanigxis.

　　Fine, fakturo el la libroteno-oficejo pri sxia elhospitaligxo sendigxis en la manon de Haowude, por ke li subskribu sian nomon. La kuracisto simple legis la fakturon, kaj skribis kelkajn vortojn cxe la rando de la fakturo, poste transsendis la fakturon en sxian cxambron.
　　Sxi ne kuragxis malfermi la fakturon, cxar sxi certis, ke sxi eble devis likvidi cxi tiun kuracan kotizon dum sia tuta vivo.Sed finfine sxi malfermis la fakturon por legi, kaj linio da vortoj cxe la rando precipe vekis sxian atenton.

　　Sxi vidis la jenan frazon: ‘ unu glaso da fresxa lakto suficxas por pagi la tutan kuracan elspezon！’la subskribinto: kuracisto Haowude.

　　Sxiaj okuloj tuj plenis de larmoj, kaj sxi gxojplene pregxis en sia koro: “ Budho! Dankon al vi, dankon pro via korfavoro, kiu sencxese disvastigxas pere de homaj koroj kaj manoj. 

　　Jen proverbo: Amo venas pro amo kaj felicxo venas pro felicxo.