Vidi fonton por 75. Fiŝo farita Miraklon

　　75. Fisxo Farinta Miraklon

　　[Povo de Vero]

　　Iam antauxe la Iluminigxinto naskigxis kiel fisxo en lageto de norda Hindio. Multspecaj fisxoj grandaj kaj malgrandaj vivis kune kun la Bodisatvo en la lageto.

　　Okazis severa sekeco. La pluva sezono ne venis kiel kutime. Mortis la plantajxoj de homoj, kaj sekigxis multaj lagetoj, lagoj kaj riveroj.

　　La fisxoj kaj testudoj sin sxovis suben kaj penis sin kasxi en koton, freneze klopodante teni sin malsekaj por eviti la fatalajxon. La korvoj plezurigxis de la okazajxo. Ili penetrigis siajn bekojn en koton, eltrenis la timigitajn fisxetojn kaj englutis ilin.

　　La iluminigxinto malgxojis pri la doloro kaj morto de aliaj fisxoj kaj plenigxis de bedauxro kaj kompatemo al ili. Li ekkonsciis, ke li estas la sola, kiu povos savi ilin. Sed tio estos miraklo.

　　La vero estis, ke li sin tenis senkulpa neniam damagxinte vivon de la aliaj. Li decidis alvoki pluvon el la cxielo por savi siajn parencojn el iliaj mizero kaj morto per la povo de sia bonkonduta vero. 

　　Li sin tiris el sub la nigra koto. Li estis granda fisxo, kaj la koto faris lin tiel nigra kiel polurita ebono. Li malfermis siajn okulojn brilantajn kiel rubenoj, rigardis supren en la cxielon kaj vokis la pluvan dion Pajuna. Li kriis lauxte: "Ho, mia amiko Pajuna, dio de pluvo! Mi suferas pro miaj parencoj. Kial vi detenas pluvon de mi, perfekte bonkonduta, kaj faras min suferi pro mia kompatemo al cxiuj aliaj fisxoj?"

　　"Mi naskigxis inter fisxoj. Estas kutimo por ili mangxi aliajn fisxojn, ecx el nia propra speco! Sed ekde mia naskigxo mi neniam mangxis fisxon ecx tiel malgrandan kiel rizgrajnon. Fakte, mi neniam damagxis vivon de la aliaj. La vero de mia bona konduto donas al mi rajton ordoni vin: Ekpluvu kaj savu miajn parencojn el la sufero!'"

　　Li parolis en la maniero kiel iu ordonis sian servanton.

　　Kaj li dauxrigis, ordonante la potencan pluvan dion Pajuna: "Faligu pluvon el cxiuj tondronuboj! Ne lasu la korvojn havi siajn kasxitajn trezorojn. Faru la korvojn bedauxri por siaj malbonaj kondutoj. Samtempe el mia malgxojo liberigu min, kiu vivas en perfekta bonkonduto."

　　Post nur mallonga pauxzo, la cxielo malfermigxis kun elversxo de pluvo. Multaj fisxoj, testudoj kaj ecx homoj savigxis el morta timo. Post kiam la granda fisxo faris tiun miraklon, li trankvile mortis kaj renaskigxis laux sia merito. 

　　La moralinstruo estas: Vera senkulpeco moderigas la suferojn de multaj vivestajxoj.