Vidi fonton por 4-3. La rakonto de Vidudabo

　　Sercxanto de plezuro fordrivis

　　4-3. La rakonto de Vidudabo

　　kiel granda fluo forportas dormantan vilagxon,

　　Morto kaptas kaj forportas tiun,

　　Kiu hava krocxigxantan menson

　　kaj kolektas nur plezur-florojn.

　　Dum sia restado en la Gxetavana Monahxejo, la Budho parolis tiun cxi kvarverson rilate al Vidudabo, filo de Regxo Pasenado de Kosalo.

　　Kun deziro edzigxi en la klanon de Sxakjao, Regxo Pasenado de Kosalo sendis mision al Kapilavasto por peti la manon de unu el Sxakjaaj regxidinoj. La Sxakjaaj regxidoj ne volis ofendi Regxon Pasenado, do ili respondis, ke ili kontentos pri lia postulo, sed anstataux Sxakjaan regxidinon, ili sendis tre belan knabinon naskigitan de Regxo Mahanamo per servistino. Regxo Pasenado faris la knabinon unu el siaj cxefaj regxinoj, kaj sxi naskis filon poste. La filo nomigxis Vidudabo. Kiam la regxido estis dekses-jara, li vizitis Regxon Mahanamo kaj Sxakjaajn regxidojn. Oni regalis lin gxentile, sed anticipe sendis cxiujn Sxakjaajn regxidojn plijunajn ol Vidudabo al vilagxo, por ke ili ne esprimu sian estimon al li. Restinte kelkajn tagojn en Kapilavasto, Vidudabo kaj liaj sekvantoj forlasis al la hejmo. Tuj post ilia forlaso, servistino banigxis per lakto en la loko, kie sidis Vidudabo. Sxi blasfemis lin, kriante: "Tio cxi estas loko, kie la filo de servistino sidis..." Gxuste en tiu momento, unu el la sekvantoj de Vidudabo revenis por preni ion, kion li lasis en la palaco, kaj auxdis la vortojn de la servistino. La servistino ankaux informis lin, ke Vasabakatija, la patrino de Vidudabo, estas filino de servistino de Mahanamo.

　　Kiam Vidudabo informigxis pri la okazajxo, li furiozigxis kaj deklaris, ke li forvisxos la tutan klanon de Sxakjaoj iutage. Por efektivigi sian promeson, post kiam li farigxis regxo, li marsxis al Sxakjaa klano kun sia armeo kaj masakris ilin cxiujn, nur kun escepto de malmultaj, kiuj restis cxe Mahanamo kaj aliaj homoj. Sur la vojo al la hejmo, Vidudabo kaj lia armeo entendarigxis sur la bordo de la Aciravatia Rivero. La rivero levigxis kaj per granda fluo forportis Vidudabon kaj lian tutan armeon.

　　Informigxinte pri ambaux tragediaj okazajxoj, la Budho eksplikis al la monahxoj, ke liaj parencoj, la Sxakjaaj regxidoj, iam metis venenon en la riveron por mortigi fisxojn en siaj antauxaj vivoj. Do rilate al la akcidento pri Vidudabo kaj lia armeo, la Budho recitis la kvarverson.