4-1. La rakonto de kvincent monaĥoj
La faranto de florkrono
4-1. La rakonto de kvincent monaĥoj
Kiu penetre konas la homan mondon
kaj tiujn de Marao kaj la dioj?
Kiu distingos la perfekte instruitan darmon,
Kiel tiu, kiu lerte selektas florojn?
Bone trejnita homo penetre konas la homan mondon
Kaj tiujn de Marao kaj la dioj
Bone trejnita homo distingas la perfekte instruitan darmon
kiel tiu, kiu lerte selektas florojn.
Dum sia restado en la Ĝetavana monaĥejo, la Budho parolis tiujn kvarversaĵojn rilate al kvincent monaĥoj.
Kvincent monaĥoj akompanis la Budhon al vilaĝo kaj poste revenis al la Ĝetavana monaĥejo. En la vespero, la Budho iris al la monaĥoj kiam ili parolis pri la vojaĝo, kaj precipe pri la kondiĉo de la lando, ĉu ĝi estas ebena aŭ monta, aŭ ĉu la tero estas kota aŭ sabla, ruĝa aŭ nigra. Sciinte la temon de ilia parolo, la Budho diris al ili: "Monaĥoj, la tero priparolata de vi estas ekster via korpo. Fakte estas pli bone ekzameni vian propran korpon kaj fari preparadon por praktiki meditadon."
Spertulo en farado de florkrono selektas, plukas kaj aranĝas florojn en florkronojn. En la sama maniero, kiu ekzamenas la naturon de vivo penetre? Kiu bone konas la veran naturon de la homa vivo kaj statoj de subaj mondoj kaj ĉieluloj? Kiu penetre komprenos la perfekte predikitan darmon kiel sperta faranto de florkronoj lerte plukas kaj aranĝas florojn?
En la antaŭa kvarverso estas demandoj kiel tio, kiu bone konas la perfekte klarigitan doktrinon? La sekva kvarverso prezentas la respondo: La studento, lernanto, serĉanto, disĉiplo, kaj disciplinita persono komprenos la doktrinon kiel sperta faranto de florkrono, kiu rekonas kaj aranĝas florojn. Estas la lernanto, serĉanto, studento, kiu penetre konas la mondojn de Marao, la staton de ĉieluloj kaj la ekzistecon sur la tero. Li forigos kaj certigos la diversajn partojn de la doktrino, kiel lerta faranto de florkrono plukas kaj aranĝas la florojn en florkronojn.
