2. 43-48
43.D: Kiom da volumoj estas en la Ĉinlingva Tripitako?
R: Estas 1692 libroj kun 6241 volumoj. Krome en la Ĉinlingva Tripitako kolektiĝis pli ol 1000 volumoj komponitaj de ĉinaj kleruloj. En Ming Dinastio, la Jaxing versio de la Ĉinlingva Tripitako kolektis cirkaŭ 5600 volumojn da verkoj de ĉinaj kleruloj, kaj aldonis ilin al la Tripitako kiel sekvaĵon. En moderna tempo en Japanio tripitaka sekvaĵo kompiliĝis el la ĉinaj verkoj. Tiu versio tute havas 1750 librojn kun 7140 volumoj.
44. D: Kiom da versioj estas de Ĉinlingva Tripitako?
R: La unua blokpresita versio de la Tripitako en Ĉinio aperis en 971 p. K., aŭ la kvara jaro de Kaibao periodo de Song Dinastio. En la sekvaj 1000 jaroj tra la dinastioj Song, Liao, Jin, Yuan, Ming kaj Qing, pli ol 20 blokpresitaj versioj eldoniĝis. En 1936, blokpresita versio de la Tripitako de Jin Dinastio (12-a jarcento) estis malkovritaj en Monaĥejo Guangŝeng, Gubernio Zhaoĉeng de Provinco Ŝhanxi. Do ĝi nomiĝis Zhaoĉeng-a Tripitako. Kiam la japanaj imperialistoj agresis Ĉinion, ili klopodis rabi tiun ĉi trezoron de Ĉinio, sed dank’al la Okvoja Armeo, ĝi saviĝis je la vivkosto de ok ĉinaj soldatoj, kaj konserviĝis en la nacia biblioteko. En Monaĥejoj Kaiyuan kaj Wolong de Urbo Xi’an estas blokpresita Qisha versio de Song Dinastio (12-a jarcento), de kiu eldoniĝis fotolitografiaĵo en la lasta tempo. Krome estas suda versio blokpresita en Nanjing en 1372, norda versio blokpresita en Beijing de 1410, kaj ankaŭ drate binditaj versio de Tripitako ĝenerale konata kiel Jiaxing versio blokpresita en Vanli periodo, ĉio de kiu estis komisiita de la registaro de Ming Dinastio. La presblokoj de la Tripitako faritaj dum Yongzheng kaj Qianlong periodoj de la Qing Dinastio (1735-1738) ankoraŭ ekzistas kiel Draka Versio.
Manskribitaj kopioj de la verkoj faritaj en Dinastioj Jin, Wei, Sui kaj Tang ankoraŭ konserviĝas en la Dunhuang Kavernoj de Ĉinio kiel valoraj budhismaj trezoroj trovitaj en la frua 20-a jarcento, sed grandan parton de ili jam ŝteliĝis kaj portiĝis eksterlanden. Ĉirkaŭ 8000 volumoj ankoraŭ konserviĝas en la Nacia Biblioteko. En nia lando ankaŭ troviĝas 8000 ŝtongravuritaj budhismaj verkoj en la kavernoj de Shijingshan (Ŝtongravuritaj sutroj Monto) en Fangshan, Beijing. La gravurado de tiuj tekstoj komenciĝis de Majstro Ĝinŭan dum la sepa jarcento en Sui Dinastio, kaj daŭris mil jarojn. La blokoj konserviĝis en 9 kavernoj aŭ enteriĝis sub la pagodo. En 1956, la Ĉina budhisma Asocio, subtenate de la registaro, elprenis ĉiujn blokojn kaj faris sep kopiojn da frapkopiaĵoj en du jaroj. Tiuj sutroj listiĝis en katagorion kaj estis pristuditaj. Oni gravuris pli ol 1000 sutrojn kun proksimume 3500 volumoj. Esplorado pri la teksto trovis, ke la tekstoj gravuriĝis en la Liao Dinastio surbaze de Qidan-a Versio, kies originalo jam perdiĝis. La ŝtongravuritaj verkoj en Fangshana estas vere raraj darmaj trezoroj.
45. D: Ĉu vi bonvolas diri al mi iom pri la Tibeta Tripitako?
R: La Tibeta Tripitako konsistas el du partoj: (1) la originala kolekto nomata "Bkah-hgyur". Bkah signifas instruojn kaj Hgyur signifas tradukaĵon. Do ĝi estas tradukaĵo de la budhaj instruoj, inkluzive de sutroj kaj vinajo predikitaj de la Budho. (2) La aldona kolekto nomata "Bstan-hgyur". Bstan signifas komentarion. Do ĝi estas traduko de komentarioj. Bkah-hgyur konsistas el 1108 sutroj kaj Bstan-hgyur el 3459 komentarioj.
46. D: Ĉu estas blokpresitaj versioj de la Tibeta Tripitako?
R: Jes. Frue en la 12-a jarcento la unua blokpresita Tripitako aperis en Naitang kaj tiel ĝi konatiĝis kiel Naitang-a versio. En la 15-a kaj 16-a jarcentoj dum la Ming Dinastio, du blokpresitaj versioj eldoniĝis. En Regperiodoj de Kanĝi kaj Yongzheng de Qing Dinastio, alia blokpresitita versio eldoniĝis en Beijing kun nomo de Beijing-a versio. En la sama tempo, aliaj blokoj estis konataj kiel Dege-a versio, Zhuoni-a versio kaj aliaj estis preparitaj inter la 8-a kaj 10-a jarcentoj de la Yongzheng periodo, preskaŭ same kiel la Beijing versio, sed kun iom da suplementoj por kovri ĝian malperfektecon. Ĉirkaŭ 1921, la 13-a Dalai Lama farigis alian version de la Tripitako en Lasao, konatan kiel Lasaa versio. Lastatempe, fotokopiita beijing-a versio de la Tibeta Tripitako jam aperis en Japanio.
47: D: Kio estas la enhavoj de la Palia Tripitako?
R: La Palia Sutra-pitako konsistas el kvin partoj:
(1) Digha-nikāya, kiu signifas longajn predikadojn, korespondas al la Dighāgama en la Ĉina Tripitako;
(2) Majjihima-nikāya, kiu signifas Mezlongajn predikojn, korespondas al la Madhyamāgama en la Ĉina Tripitako;
(3) Saṃyutta-nikāya, kiu signifas predikojn organitajn laŭ la enhavo, korespondas al la Saṃyukktāgama en la Ĉina Tripitako;
(4) Aṅguttara-nikāya, kiu signifas predikan kolekton laŭ Numera ordo, korespondas al la Ekottarikāgama en la Ĉina Tripitako;
(5) Khuddaka-nikāya, kiu signifas Malmultan Antologiojn, nehavas sen kompletan tradukon en Ĉinio.
Estas Palia Vinaja-pitako, kiu signifas korbon de disciplinoj, konsistas el tri partoj:
Sutta Vibhaṅga, kiu signifas ĉiujn preceptojn;
Khandhaka, kiu signifas procezojn por Komunumoj kaj Regulojn por ĉiutaga vivo en la Samgo;
Parivāra, kiu signifas interpretadon de la reguloj aŭ apendico.
La Palia Abidarma-Pitako (La korpo de komentarioj) konsistas el sep partoj:
Dhamasaṅgaṇi, kiu signifas listigadon de Darmoj aŭ Budhismaj Psikologiaj Etikoj;
Vibhaṅga, kiu signifas libron de Alalizo;
Dhātukathā, kiu signifas predikon pri Elementoj);
Yamaka, kiu signifas libron de Paroj;
Paṭṭhāna, kiu signifas libron de Kaŭzeco;
Pggalapaññatti, kiu signifas priskribon de homaj tipoj;
Kathāvatthu, kiu signifas punktojn de Debato.
Tiuj sep komentarioj estas gravaj verkoj koncernaj al la statoj de menso, analizoj de la universaj ekzisteco, la teorio de kaŭzo kaj efekto kaj tiel plu.
48. Ni konsumis multe de via tempo. Vi jam eksplikis al ni la fundamentojn de la Budhaj instruoj kaj la budhismaj kanonaj verkoj. Tio estas sufiĉa por la nuna tempo, kaj ni certe konsultiĝos kun vi denove poste.
Eble mi ne kontentigis vian postulon. Mi nur provizis iom da bazaj materialoj.
