2-20. La kverelado ĉe Kosambi: Malsamoj inter versioj

Kiel registrite je 08:13, 1 Sep. 2013

　　2-20. La kverelado ĉe Kosambi

　　En la naŭa jaro post sia iluminiĝo, la Budho vivis en Kosambi. Kiam li estis tie, okazis kverelado inter du partioj de monaĥoj. Unu partio konsistis el spertuloj pri disciplina kodo aŭ vinajaj reguloj dum la aliaj estis spertuloj pri la Darmo aŭ la instruoj.

　　La Budho klopodis laŭ multaj metodoj por pacigi la kvereladon, sed vane, post kiam ĉiuj siaj klopodoj malsukcesis, li forlasis ilin senvorte kun siaj bovlo kaj roboj kaj retiriĝis al la Pailejaka Arbaro.

　　Dum la Budho loĝis en la arbaro, elefanto zorgis pri liaj bezonoj. Ĝi purigis liberan lokon en la arbaro, meze de kiu situis ŝtona kaverno. Ĉiutage la elefanto alportis fruktojn kiel oferaĵojn al la Budho. Vidinte la elefanton prezenti sian oferaĵon, simio alportis abelejon kiel sian oferaĵon iutage.

　　Samtempe, homoj de Kosambi trovis, ke la Budho foriris sole al Pailejaka Arbaro pro la kverelado inter monaĥoj. Kiam ili sciis pri tio, ili ne plu donis almozon al la kverelantaj monaĥoj. La informo pri tio atingis Anandan en Savati. En la fino de la pluva sezono Ananda speciale vizitis la Budhon kaj informis lin, ke aŭdi lian Darmon deziras homoj, precipe tiuj en Savati. Tiel la Budho revenis al Savati konvinkite kaj post iom da tempo, la kverelantaj monaĥoj venis por peti indulgon de la Budho. Pro la kverelado en Kosambi, la Budho faris instruon, en kiu li diris:

　　“Oni devas kuniĝi kun saĝuloj, sed ne malsaĝuloj.

　　Estus pli bone vivi sole se ni ne povas trovi bonajn amikojn.

　　Ne ekzistas kuneco kun malsaĝuloj.”