Vidi fonton por 1-10. La kvar vidaĵoj: Monaĥo

　　10. La kvar vidajxoj: Monahxo

　　Post multaj tagoj de meditado kaj cxagreno, Sidarto vizitis la urbon por la kvara fojo. Kiam li veturis al la gxardeno li vidis felicxan viron surportantan robon orangxkoloran. Li demandis Cxanan: “Kio estas tiu cxi viro en orangxkolora robo? Liaj haroj estas forrazitaj. Kial li aspektas tiel felicxe? Kiel li vivas kaj per kio li sin vivtenas?”

　　“Tio estas monahxo.” respondis Cxana, “Logxante en monahhxejo, li iras de domo al domo por peti mangxajxon kaj de loko al loko por instrui homojn kiel esti trankvilaj kaj bonaj.” La regxido sentis sin tre felicxa nun. Li pensis, “Mi devas farigxi tia,” kiam li iris tra la parko.

　　Li piediris gxis lacigxo, do li sidigxis sub arbo por pensi plue. Kiam li sidis sub la arbo kun malvarmeta ombro, oni raportis al li, ke lia edzino naskis belan virbebon. Auxdinte la informon, li diris, “ Al mi naskigxis malhelpo kaj obstaklo por mia forlaso.” Do li nomis sian filon Rahula.

　　Kiam li revenis al la palaco, li renkontis regxidinon nomatan Kisagotami, kiu hazarde rigardis eksteren tra la palaca fenestro. Vidinte la regxidon alvenanta, sxi tiel absorbigxis de lia beleco, ke sxi diris lauxte: “Kiel felicxaj devas esti la patrino, patro kaj edzino de tiel bela juna regxido!”

　　Trapasante la virinon, Sidarto auxdis tion kaj pensis en si, “La patrino, patro kaj edzino trovas felicxon en bela figuro. Kiel mi eskapu la obstaklojn kaj suferojn por atingi nirvanon, kiu estas eterna libereco felicxa kaj paca?” Pro la demando li ekkonsciis, kion li devas fari. “Mi devas forlasi la familian vivon kaj homan mondon por akiri iluminigxon. Tiu virino donis al mi valoran lecionon. Mi devas danki sxin per la instrupago al instruistino.” Preninte valoran perlan kolringon de sia kolo, Sidarto gxin benis kaj donacis kiel pagon al Kisagotami kun dankoj.