Vidi fonton por 1-1. La sonĝo de Reĝino Maha Maja

　1-1. La songxo de Regxino Maha Maja

　　Antaux pli ol 2500 jaroj vivis regxo nomata Sudodano. Li edzigxis al Kolija regxidino nomata Maha Maja. La geedza paro regis en la regno de Sxakja militista tribo vivanta cxe Kolija Regno en la norda Hindio, kie nun estas Nepalo. La cxefurbo de Sxakja Regno nomigxis Kapilavasto kaj situis cxe la montpiedo de Himalajo.

　　Regxino Maha Maja estis filino de Regxo Angxano de Kolijaso. Pro sxia beleco oni nomis sxin Maja, kiu signifas “vizio”. Sed la plej mirindaj kvalitoj estis sxiaj virto kaj talento, do sxi estis naturdotita kun plej altaj inteligenteco kaj pieco. Regxo Sudodano konformis al sia aminda edzino. Li nomigxis “La regxo de la legxo”, cxar li regis en la regno laux la legxo. Neniu el la Sxakjanoj estis pli honora kaj respektinda ol li. Lin admiris ne nur la nobeloj kaj korteganoj, sed ankaux la dommastroj kaj komercistoj. Gxuste en tiu nobela familio naskigxos la Budho.

　　La regxino havis vivecan songxon kiam sxi dormis en la palaco en plenluna nokto. Sxi trovis, ke kvar cxielanoj portis sxin al Anota Lago en Himalajo. Post banado al sxi en la lago, la cxielanoj sxin vestis per cxielaj vestajxoj, sxmiris per parfumoj kaj ornamis per cxielaj floroj. Baldaux aperis elefanto portanta blankan lotusfloron per sia trumpo. Gxi cxirkauxiris sxin trifoje kaj iris en sxian uteron tra la dekstra flanko de sxia korpo. Poste la elefanto malaperis kaj la regxino vekigxis, sciante, ke sxi ricevis gravan mesagxon, cxar elefanto estas simbolo de honoreco en Nepalo. La regxino rakontis la songxon al la regxo frumatene en la sekva tago. La regxo konfuzigxis, kaj tuj alvenigis kelkajn sagxulojn por diskuti pri la aludo de la songxo.

　　“Via Regxa Mosxto,” diris la sagxuloj, “vi estas felicxa. La cxielanoj elektis nian regxinon kiel patrinon de la plej pura infano, kiu farigxos grandulo.” La regxo kaj regxino ekzaltigxis auxdinte tion.

　　Ili tiel plezurigxis, ke ili invitis multajn nobelojn en la lando al la palaco por festeno kaj por informi ilin pri la bona novajxo. Ecx bezonantoj ne estis forgesitaj. Oni donacis mangxajxojn kaj vestajxojn al la malricxuloj en la celebrado. La tuta regno avide atendis la naskigxon de la nova regxido, kaj Regxino Maja gxuis gravedecon felicxan kaj bonfartan, havante puran vivon por si mem kaj la naskigxonta bebo.