5. Soifa malsaĝulo
5. Soifa malsaĝulo
Iam antaŭe, malsaĝulo soifegis kaj deziris trinki akvon. Vidinte vaporon estigitan pro varma vetero, li opiniis, ke tio estas akvo. Li do iris al ĝia direkto ĝis li atingis riveron Hindu. Atinginte la riveron, li nur gapis anstataŭ ektrinki.
Oni demandis al li: “Vi serĉis akvon pro soifo, sed kial vi ne trinku nur starante ĉe la akvo?”
La malsaĝulo respondis: “Mi trinkus se mi povus eltrinki la tutan riveron. Sed troviĝas tro multe da akvo por mi eltrinki, mi do neniom trinku.”
Aŭdinte tion, ĉiuj eksplodis de ridego.
Simile, iuj praktikantoj de aliaj religioj sin tenas al iu vidpunkto malĝuste. Ili ne akceptas la budhajn disciplinojn,opiniante, ke ili ne povas observi. Pro tio ili daŭre vivos en la ses vivcirkloj kaj havos neniom da ebleco por atingi liberiĝon. Ili similas al la malsaĝulo, kiu ne trinkis akvon ĉe la rivero, kaj pro tio estis mokita de aliaj homoj.
