Vidi fonton por Demando: Se la Budho ne estas dio, kial homoj adoras lin?

Demando: Se la Budho ne estas dio, kial homoj adoras lin?

　　Respondo: Estas diversspecaj adoroj. Kiam iuj adoras dion, ili lauxdas lin aux sxin, prezentas oferojn kaj petas favorojn, kredante, ke la dio auxdos iliajn lauxdojn, ricevos iliajn oferojn kaj respondos iliajn pregxojn. Budhanoj ne praktikas tiuspecan adoron. Estas alispeca adoro kiam ni montras nian respekton al iu aux io respektinda. Ni starigxas kiam instruisto venas en la klascxambron; ni manpremas kun eminentulo kiam ni renkontas lin; ni salutas kiam oni ludas nacian himnon. Tio estas cxiuj gestoj de respekto kaj adoro por montri nian admiron al speciala persono aux afero. Jen adoro, kiun budhanoj praktikas. Statuo de la Budho kun la manoj sur la kruroj kaj kompatema rideto sur la vizagxo rememorigas, ke ni strebu por disvolvi niajn internajn pacon kaj amon; la incensa parfumo rememorigas nin pri trapenetranta influo de virto; la lampo rememorigas nin pri lumo de scio, kaj la floroj, kiuj baldaux senkolorigxas kaj velkigxas, rememorigas nin pri efemereco. Kiam ni riverencas, ni esprimas nian dankemon al la Budho por liaj instruoj al ni. Tio estas la signifo de budhana adoro.