Vidi fonton por 6. Malsaĝulo kun mortinta filo

　　6. Malsagxulo kun mortinta filo

　　Iam antauxe, malsagxulo havis sep filojn. Unu el la filoj mortis. Vidinte tion, la malsagxulo volis forlasi la domon por cedi gxin al la mortinto.

　　Vidinte tion, oni diris al li: “Vivantoj kaj mortintoj apartenas al malsamaj mondoj. Vi devas bone vestigi kaj enterigi lin en malproksimo. Kial vi deziras restigi lin en la domo dum vi forlasos?”

　　Auxdinte tion, la malsagxulo pensis: “Se mi devas lin enterigi anstataux restigi en la domo, mi mortigos alian filon por ligi tiun al alia pinto de mia portvekto. Tiel mi povos porti ilin pli facile per vekto.” Do li mortigis alian filon, portis ambaux mortintojn en malproksiman lokon kaj enterigis ilin.

　　Vidinte tion, oni ridis lin opiniante, ke ili neniam vidis tiel malsagxan homon.

　　Iu biksxuo faris maldecajxon kontraux disciplino sed ne kuragxis penti, do li kasxis tion kiel sekreton kun aserto, ke li estas pura. Sagxuloj diris al li: “Kiel monahxo vi devas observi disciplinojn kiel teni perlon atente por ne perdi gxin. Kial vi kontrauxis disciplinon sed ne pentis pri tio?” La farinto de maldecajxo diris: “Se mi devas penti, mi faru aliajn por penti pri ili samtempe.” Do li faris aliajn maldecajxojn kontraux la disciplinoj kaj pentis samtempe. Li kondutis simile al la malsagxulo, kiu mortigis alian filon post morto de unu.