Montri afiŝojn

En tiu ĉi paĝo vi povas rigardi ĉiujn afiŝojn faritajn de tiu ĉi forumano. Notu, ke vi povas vidi afiŝojn nur en partoj de la forumo por kiuj vi nun havas atingopermeson.


Mesaĝoj - Miaohui

Paĝoj: 1 2 3 4 [5] 6 7 8 9 10 11 12 13 14 15 16 17 18 19 20 ... 52
61
Budhismaj Monaĥejoj / Re: Monaĥejo Ŝeĵŭesi
« je: decembro 12, 2014, 06:27:03 atm »
Jen halo super la porda halo. Ĝi estas tre konvena por meditejo, tamen mi ankaŭ volas uzi ĝin kiel nian klasĉambron budhisman kaj esperantan laŭ bezono.

62
Budhismaj Monaĥejoj / Re: Monaĥejo Ŝeĵŭesi
« je: decembro 12, 2014, 06:19:17 atm »
Estas nur unu korto en la monaĥejo, ambaŭ flanke de kiu estas du duetaĝaj domoj aparte por viroj kaj virinoj. La ĉefa halo estas kontraŭ tiu de la pordo, kaj ambaŭ la porda halo estas kvar malgrandaj haloj ambaŭ flanke.

63
Budhismaj Monaĥejoj / Monaĥejo Ŝeŝjŭesi
« je: decembro 12, 2014, 04:48:36 atm »
Antaŭ hieraŭ mi venis al Monaĥejo Ŝeŝjŭesi laŭ invito de mia budhana amiko kaj kunlerninto. Li transprenis la respondecon administri malgrandan monaĥejon en malgranda vilaĝo ĉe Urbo Pingyang de Urbo Ŭenĝou, Provinco Zhejiang. Li proponis, ke mi ekloĝu en tiu ĉi monaĥejo por daŭrigi mian laboron instrui Esperanton kaj samtempe eduki budhanajn esperantistojn por kune realigi mian revon disvastigi budhismon pere de Esperanto kaj disvastigi Esperanton per budhismo. Mi akceptis la inviton kaj decidis doni bazan kurson de Esperanto dum la vintra feriotempo.
Jen kelkaj fotoj de la monaĥejo. Per la fotoj vi povas vidi, ke la monaĥejo estas tre malgranda, sed kompakta, kun unu korto kaj du duetaĝaj loĝdomoj aparte por viroj kaj virinoj.

64
Esperanta novaĵo / Aperis nova aŭdlibro "Amo al la vivoj" kun bildoj
« je: decembro 09, 2014, 05:37:09 atm »
Nun mi jam alŝutis novan aŭdlibron "Amo al la vivoj". Ĝikonsistas el rakontoj besto-protektaj en antikva Ĉinio.

65
Forumo pri vortoj / karmo kaj vipako
« je: decembro 07, 2014, 06:35:05 atm »
Laŭ PIV: vipak/o ☸ La rezulto de karmo.

 karm/o
1 Θ En hinduismo, ĝainismo k budhismo, postrestinta inercio de homa faro (ago, diro aŭ penso); unu el la faktoroj, kiuj influas onian postan vivon.
2 ☸
a) Kaŭzo de la homa ekzisto.
b) Homa faro.
c) Karmo 1. ➞ vipako.

66
Esperanta novaĵo / Re: Novaj rubrikoj aperis en la retejo
« je: decembro 05, 2014, 08:51:40 ptm »
Laŭ testado, la rakontoj ankaŭ estas aŭdeblaj en la poŝtelefono kondicxe ke en la postelefono instaliĝis flashplayer.

67
Esperanta novaĵo / Novaj rubrikoj aperis en la retejo
« je: decembro 03, 2014, 03:30:09 ptm »
Saluton, karaj amikoj!

Antaŭ nelonge mi starigis novajn rubrikojn en la retejo. Unu estas albumo, kies adreso estas http://www.budhano.cn/albumo kaj la alia estas nova aŭdlibro "Budhismaj rakontoj pri la antaŭaj vivoj de la Budho" kies adreso estas http://www.budhano.cn/libro/br
Ĉiuj samideanoj estas bonvenaj. Se vi havas ian ajn opinion pri tio, bonvolu informi min al mia retadreso: miaohui@budhano.cn
Antaŭdankon!

68
Esperanta novaĵo / Re: Nia retejo moviĝis al sia nova hejmo
« je: decembro 01, 2014, 03:32:19 ptm »
Dankon por via subteno, kara amiko!

69
Esperanta novaĵo / Elŝuteblaj materialoj en nia retejo
« je: novembro 30, 2014, 01:00:54 atm »
Saluton, karaj amikoj!

Nun ni ekprovizis elŝuteblajn esperantajn tradukojn faritajn de BRE pri Budhismo. Ĉiuj samideanoj rajtas elŝuti laŭ sia bezono.

Tekstoj en formato de Pdf:

Amo al la vivoj:

http://www.budhano.cn/libroteko/Amo-al-la-vivoj.pdf

Budhismaj fabloj:

http://www.budhano.cn/libroteko/budhismaj_fabloj.pdf

Rakontoj pri la antaŭaj vivoj de Ŝakjamunio:

http://www.budhano.cn/libroteko/Budhismaj-Rakontoj.pdf

La vivo de la Budho:

http://www.budhano.cn/libroteko/Budha-vivo.pdf

Demandoj kaj respondoj pri Budhismo:

http://www.budhano.cn/libroteko/bdbr-nova.pdf

 

Elŝuteblaj aŭdaĵoj

Amo al la vivoj:

http://www.budhano.cn/audoteko/amo-al-la-vivoj-mp3.zip

La vivo de la Budho:

http://www.budhano.cn/audoteko/budha-vivo-mp3.zip

Budhismaj fabloj:

http://www.budhano.cn/audoteko/budhismaj-fabloj-mp3.zip

Rakontoj pri la antaŭaj vivoj de Ŝakjamunio:

http://www.budhano.cn/audoteko/budhismaj-rakontoj-mp3.zip

70
Esperanta novaĵo / Nia retejo moviĝis al sia nova hejmo
« je: novembro 28, 2014, 11:58:21 atm »
Hieraŭ nia retejo sukcese moviĝis al la nova spaco de VPS. Mi esperas, ke ĝi funkcias pli rapide kaj stabile.
Post nelonge ni redaŭrigos la retradion, kaj samtempe, funkciigos bazan kaj paroligan per la interreto. Do bonvolu atenti pri la sekvaj informoj se vi havas intereson pri tio.

71
Verkado kaj tradukado / Re: Artikolo de RetRadio pri efemereco
« je: novembro 21, 2014, 06:54:44 atm »
Kvankam multaj homoj ne havas la vidpunkton de Efemereco teorie, tamen en nia cxiutaga vivo tio estas okazo tiel ordinara, ke ni kutime ignoras ĝin. La budhisma teorio pri Efemereco ne estas malreala teorio, sed vera sperto de vivestaĵoj en la mondo. Fakte cxio estas efemera kun siaj estiĝo, ŝanĝiĝo, kadukiĝo kaj detruiĝo. Certe en nia vivo tio estas naskiĝo, maljuniĝo, malsaniĝo kaj morto kaj aliaj. Se ni ignoras la efemerecon, eble ni havos pli da koraj suferoj pro la malagrablaj spertoj en nia vivo.

72
La kurso sukcese finiĝis. Tio estas la unua instruado en videa stilo per rekta babilito interreta. Post cxiu kurso mi faris filmeton de la kurso kaj faciligis al la kursanoj en sia relernado. Poste mi plibonigis la kondicxon fari filmetojn kaj eble mi faros pli klaran filmetojn de miaj kursoj poste.
Laŭ mia intenco, mi donos mezgradan kurson kaj specialan kursojn pri parolado kaj verkado en Esperanto venontjare.

73
En la vespero de la 27-a de oktobro Miaohui ekgvidis la dektagan kurson de fundamenta Esperanto per interreto. En cxiu vespero de la tagdeko, la kurso okazas ekde la deknaŭa en kanalo 62121152 de YY.

74
Esperanta novaĵo / Esperanta televido funkcias sukcese
« je: oktobro 22, 2014, 01:55:08 ptm »
Antaŭ nelonge mi ricevis informon, ke ekfunkciis esperanta televido. Tio estas suficxa bona novaĵo, kaj kiel cxino vivanta en Ĉinio, mi sukcese rigardis kelkajn esperantajn filmojn  tre facile. Mi vere dankas la samideanojn por la laboro, kaj ankaŭ esperas, ke iu tage ankaŭ mi povos helpi traduki iom da filmetojn placxajn al mi por provizi al samideanoj.
La retejo por esperantaj televido kaj filmoj estas:

http://esperantotv.net

75
Fundamento de Budhismo / Ĉapitro 3. 24-31
« je: oktobro 20, 2014, 11:45:07 atm »
24: D: Ĉu estas regulaj kunvenoj de la Samgo?

  R: Kunveno de recitado (Uposatha Kamma) okazas en ĉiu duonmonato. La monaĥoj kunvenas por reciti la tekston de preceptoj (Patimokkha), kaj laŭ vinajo ekzameni ĉies kondutojn en la pasinta duonmonato. La procezo okazas per memkritiko kaj malkaŝo pri la eraroj. En la fino de la jara pluvsezona retiriĝo okazas ceremonio konata kiel Pavarano (Pavarana). Pavarano signifas kontentecon kun memkritiko kaj alies malkaŝo. Per tiu maniero, ĉiu esprimis penton pri siaj eraroj. Ĝi fakte ankaŭ estas kunveno por retrorigardi la monaĥan vivon. Por konsultado pri aliaj aferoj, kunvenoj okazas laŭ bezono.

  25: D: Ĉu estas prave diri, ke Ŝakjamunio adoptis certan sisteman aspekton de la primitiva socio en la samgan ordenon?

  R: Oni povas tiel pensi pri la demokratia sistemo kaj sistemo de financa divido (egale dividi la havaĵon de la ordeno sen persona posedo). Dum la fruaj tagoj de la samgo, Bikŝuoj ne partoprenis en produktado. Sed en la han-nacieca regiono de Ĉinio monaĥoj kutime partoprenas en kamplaboro, kaj instigas kombinadon de kamplaboro kun budhisma praktikado. Tio estas bonega trajto de ĉina samgo.

  26. D: Ĉu la karma sistemo ankoraŭ funkcias nun?

  R: Ambaŭ Uposata kaj Pavarana sistemoj ankoraŭ funkcias en la sudaj budhismaj landoj. Do estas aliaj karmaj sistemoj, kiel la ordina karmo. Ŝajne por plej parto da monaĥoj la aktivadoj estas konservitaj kiel religiaj ritoj. Hodiaŭ en Ĉinio ankaŭ estas monaĥejoj, kiuj ankoraŭ konservas la sistemojn de Uposato kaj Pavarano. Sed la demokratia spirito de la karmo jam perdiĝis pro la fakto, ke multe da feŭdaj sistemoj enkondukiĝis en la monaĥejoj dum longa periodo de feŭdismo precipe pro la fakto, ke la monaĥejaj reguloj (Conglin Qinggui) estis modifitaj kaj efektivigitaj de la feŭda kortego laŭ ĝiaj bezonoj.

  27. D: Kio estas la signifo de “Conglin Qinggui”?

  R: La originala signifo de “Conglin” estas arbaro. Dense loĝata monaĥejo similas al arbaro plenaj de arboj, do ĝi nomiĝas “Conglin” signifanta grandan monaĥejon (Mahavihara). “Qinggui” signifas la reguloj ĉiutage observitaj de monaĥoj aŭ monaĥinoj en monaĥejoj. Ili estas ordigitaj laŭ la vinajo farita de la Budho kaj ĉefaj kondiĉoj de la stato, inkluzive klimato, geografio, sociaj kutimoj, leĝoj kaj reguloj de la stato kaj ankaŭ la skolajn trajtoj kaj tiel plu. La plej fruaj monaĥejaj reguloj en Ĉinio estis iniciatitaj de Majstro Daoan de la Dinastio Okcidenta Jin en la kvara jarcento. Post tio, ĉiu skolo en la sekvaj dinastioj kreis sian propran monaĥejajn regulojn. Ekzemple en Dinastio Tang Regularo por monaĥoj de Zena skolo estis kreita de Majstro Baizhang kaj poste ĝi perdiĝis. Poste, “Regularo reviziita de la reĝo” estis kreita de reĝo de Dinastio Yuan. Tio fakte estas konformado al la bezono de feŭdaj regantoj, kaj havas nenian rilaton kun Majstro Baizhang. Poste la regularo estis efektivigita laŭ reĝaj ordonoj tra la eraoj Hongwu kaj Yongle de Dinastio Ming, kaj fariĝis komuna sistemo observita de ĉiuj monaĥoj kaj monaĥinoj en la tuta Ĉinio anstataŭ ĉiuspecaj originaj monaĥejaj regularoj kaj kodoj.

  28. D: Ĉu vi bonvolas paroli pri la etiketo kaj vivstilo de monaĥa ordeno?

  R: Tiuj estas notitaj detale en la vinaja teksto. Multaj notoj jam tute konserviĝis de budhismaj ordenoj en la sudaj landoj, dum en la nordaj landoj pro la klimato, kutimo kaj aliaj diferencoj, kaj ankaŭ historiaj ŝanĝiĝoj, la monaĥa vivo travivis multajn ŝanĝojn. Estas malfacile listigi la detalojn ĉi tie. Se vi havas specifajn demandojn, ni povas paroli pri tio koncize.

  29. D: Kio estas la etiketo inter malsuperaj kaj superaj monaĥoj?

  R: En la monaĥa ordeno, superecon kaj malsuperecon ne decidas la juneco kaj maljuneco de aĝo, sed de la jaroj ekde la ordiniĝo. La titolo “Thera” Pliaĝulo temas pri bikŝuoj de dek jaroj post ordinado, kaj “MahaTera” dudek jaroj post ordinado. Malplisuperuloj devas saluti superulojn, kaj superuloj iras antaŭ la malplisuperuloj. Pri la sidado, la superaj sidejoj estas donitaj al la superuloj kaj la malaltaj sidejoj estas donitaj al malplisuperuloj, kaj malsuperuloj ne sidas antaŭ ol la superuloj petas ilin sidiĝi. Do en la sudaj budhismaj landoj la demando pri la ordina tempo estas necesa por monaĥoj kiam li renkontiĝis. Kutime, kiam ordinaraj bikŝuoj renkontiĝas kun MahaThera, ili devas demeti siajn ŝuojn, malkovri sian dekstran ŝultron kaj fari saluton.

  30. D: Kio estas la etiketo de laikaj budhanoj al monaĥoj kaj monaĥinoj?

  R: En sudaj landoj, kiam laika budhano iras en monaĥejon aŭ ĉambron de monaĥoj, li devas demeti siajn ŝuojn antaŭ la saluto al la bikŝuoj. Je la ordono de la bikŝuo por sidiĝi, li rajtas preni malpli altan sidejon aŭ sidi sur la plankon, sed li ne rajtas sidi sur la liton de la Bikŝuo. Li ne rajtas manĝi kune kun bikŝuoj ĉe la sama tablo. Se bikŝuo iras al domo de laiko, la gastiganto devas meti pecon da pura tuko sur la seĝon kaj inviti la monaĥon sidiĝi antaŭ la saluto. Eĉ se filo estas bikŝuo, liaj gepatroj ankaŭ devas saluti lin. Laŭ la kutimo de sudlandaj budhaoj, kiam ajn laika budhano iras en la kunveneja halo, la bikŝuoj neniam stariĝas nek respondas la salutojn, kaj iam ili nur diras “Bonan ŝancon”. Kiam oni prezentas al ili oferaĵojn, ili faras same. Same pli superaj bikŝuoj neniam respondas la salutojn de la malpli superajn bikŝuoj kaj ŝramaneroj. En Ĉinio, bikŝuoj rajtas respondi la salutojn de laikaj budhanoj aŭ malpli superaj bikŝuoj kaj ŝramaneroj per kunpremitaj manoj ĝentile, kaj la rangoj de la sidejoj ne estas rigore observitaj escepte dum la oficiala religiaj ceremonioj.

  31. D: Ĉu vi bonvolas iom paroli pri manĝaj kutimoj, ekzemple abstinado de posttagmeza manĝo kaj vegetarismo?

  D: Ekzistas du kaŭzoj por monaĥoj ne manĝi post tagmezo laŭ budhismaj reguloj. Ili estas: 1. Abstinado de posttagmeza manĝo malpliigas la ŝarĝon de laikoj ĉar ili provizas manĝaĵon. 2. Tio helpas en praktikado de komtemplado (bhavana). En la sudaj landoj, la regulo ankaŭ daŭras en kutima praktikado hodiaŭ. Rigoraj sekvantoj nur trinkas akvon sen preno de lakto, teo, kokosa suko aŭ aliaj, dum aliaj rajtas trinki sodakvon aŭ fruktan sukon kaj ankaŭ manĝi sukeron posttagmeze. En Ĉinio la han-naciecaj monaĥoj de zena skolo kutime faras kamplaboron ekde la antikva tempo, kaj pro sia fizika laboro, ili kutime manĝas ion en la vespero. Do en multaj monaĥejoj, la regularo estas ne rigora, sed vespermanĝo estas rigardita kiel parto de “medicina manĝo”. Malgraŭ tio, multaj monaĥoj daŭre observas la regulon de abstinado de manĝo post tagmezo.

Paĝoj: 1 2 3 4 [5] 6 7 8 9 10 11 12 13 14 15 16 17 18 19 20 ... 52