Author Topic: 5. Soifa malsaĝulo  (Read 458 times)

0 Members and 1 Guest are viewing this topic.

Offline Miaohui

  • Semanto
  • Administanto
  • Honora membro
  • *****
  • Posts: 771
  • Karma: +0/-0
    • View Profile
    • Budhana Retejo Esperantista
5. Soifa malsaĝulo
« on: January 20, 2014, 07:22:07 AM »
  5. Soifa malsaĝulo

  Iam antaŭe, malsaĝulo soifegis kaj deziris trinki akvon. Vidinte vaporon estiĝintan pro varma vetero, li opiniis, ke tio estas akvo. Li do iris al ĝia direkto ĝis li atingis riveron Hindu. Sed, atinginte la riveron, li nur gapis anstataŭ ektrinki.

  Oni demandis al li: “Vi serĉis akvon pro soifo, sed kial vi ne trinkas starante ĉe la akvo?”

  La malsaĝulo respondis: “Mi trinkus se mi povus eltrinki la tutan riveron. Sed troviĝas tro multe da akvo por mi eltrinki, mi do trinkos neniom.”

  Aŭdinte tion, ĉiuj eksplodis de ridego.

  Simile, iuj praktikantoj de aliaj religioj sin tenas al iu malĝusta vidpunkto. Ili ne akceptas la budhajn disciplinojn, opiniante, ke ili ne povas observi. Pro tio ili daŭre vivos en la ses vivcirkloj kaj havos neniom da ebleco por atingi liberiĝon. Ili similas al la malsaĝulo, kiu ne trinkis akvon ĉe la rivero kaj estis mokita de aliaj homoj pro tio.
« Last Edit: January 25, 2014, 03:53:43 AM by Miaohui »
Per Budhismo por Esperanto;
Per Esperanto por Budhismo.